Nú hafa nýju poolborðin skilað sér hingað til okkar. Þau eru í uppsetningu þessa stundina. Í næstu viku (miðvikudaginn 20.febrúar) ætlum við að vígja borðin og þá er öllum heimavistarbúum boðið að taka þátt í vígslunni með okkur. Boðið verður upp á léttar veitingar og jafnvel létta tónlist í því tilefni. Vonumst til að sjá sem flesta. Nánar auglýst síðar.   Ráðið ykkar

Heimavistarráð hefur komið á fót skipulagshópi um tillögu að bættri gönguleið frá heimavistinni og upp í VMA. Hópurinn mun einnig koma að skipulagi við lóð heimavistar og MA. Hópinn skipa frá MA; Sindri Bóndi, Rakel Guðjónsdóttir og Sonja Guðlaugsdóttir. Frá VMA koma Jóhann Sigurjón Jakobsson, Anna Þorsteinsdóttir, Stefán Grímur Rafnsson og Ingólfur Ágústsson. Öllum er velkomið að leggja fram sína eigin tillögu til skipulagshópsins og senda tölvupóst á netfangið heimavistarrad@heimavist.is

  Kæru vistarbúar, Nú hef ég lokið því að setja inn myndir sem ég tók á jólahlaðborðinu. Því hvet ég alla til þess að kíkja á myndirnar sem má finna undir linknum lífið á vistinni. Hver veit nema þarna sé mynd af þér ;) Kveðja frá ykkar ástkæra ljósmyndara og einlægum ritara, Jóhanna Stefáns.

 Heimavistarráð þakkar fyrir góða mætingu á jólahlaðborðið sem haldiðvar í gærkvöldi. Við vonum að allir hafi skemmt sér vel og allir hafi verið ánægðir með úrslitiní jólaskreytingakeppninni. Heimavistarráð tilkynnti síðan um jólagjafirnar frá heimavistarráði til vistarinnarog í ár eru það nýtt sjónvarp sem er komið á þriðju hæð gömlu vistar ásamt tveimur nýjum og glæsilegum pool borðum í setustofuna. Hægt er að sjá mynd af svipuðu borði hér að neðan. Poolborðin verða síðan formlega vígð að loknum prófum í MA. Heimavistarráð :)

Kæru heimavistarbúar Við minnum á jólahlaðborð heimavistarinnar sem haldið verður núna á fimmtudaginn 6.des Jólahlaðborðið stendur yfir frá klukkan 17:30 - 20:30. Á jólahlaðborðinu verða m.a. veitt verðlaun fyrir best skreytta ganginn á vistinni ásamt því að tilkynnt verður um jólagjöf heimavistarráðs til vistarinnar. Garðar bryti og hans fólk sjá svo um matargerðina og verða framandi og jafnframt þjóðlegir réttir á boðstólnum. Við minnum á að jólahlaðborðið er einungis fyrir vistarbúa og allir verða að vera prúðbúnir til að komast inn :) Heimavistarráð

Nú eru til sölu 10 máltíða morgunverðarkort í mötuneytinu. Kortin fást í afgreiðslu MA og einnig í mötuneytinu.Þau kosta aðeins 2900 krónur og hvetjum við alla til að nýta sér þetta frábæra tilboð. Mötuneytisráð

Líkt og undanfarin ár verður veglegt jólahlaðborð haldið fyrir heimavistarbúa. Að þessu sinni verður veislan þann 6. desember næstkomandi. Skemmtiatriðin munu stytta gestum og gangandi stundir og verða verðlaun veitt fyrir skreytingakeppnina. Framandi en jafnframt þjóðlegir réttir verða á boðstólnum. Aðeins prúðbúnum vistarbúum veittur aðgangur.  Ástarkveðja, Heimavistar- og mötuneytisráð

Þá er komið að hinni árlegu jólaskreytingakeppni heimavistarinnar. Að venju verður keppt á milli ganga/hæða. Skreytingar skulu vera komnar upp þann 4. desember til að vera gildir þáttakendur í keppninni.Dómarar munu verða hinar guðdómlegu nöfnur í þvottahúsinu, Sigrún Svava og Svava. Eins og ævinlega eru vegleg verðlaun handa sigurvegurum. Verðlaunin verða veitt á jólahlaðborðinu þann 6. desember. Ykkar ástkæra, Heimavistarráð

Ef þið hafið ómerktan þvott eða föt annarra inni á herbergi hjá ykkur þá vinsamlega farið með þau niður í þvottahús. Minnum á að einnig er mikið af ómerktum fötum og handklæðum í þvottahúsinu. Allir að muna að merkja þvottinn sinn! :) Kveðja Þvottahúskonur

Heimavistarráð vill þakka fyrir góða mætingu á kvöldvökuna í síðustu viku. Það var frábær stemningog við hefðum að sjálfsögðu ekki getað þetta nema með ykkar hjálp! Það eru komnar frábærar myndir frá góða ljósmyndaranum okkar henni Jóhönnu :)Hvetjum alla til að skoða það undir Lífið á vistinni!-Heimavistarráð ;)