Brautskráning verður frá Verkmenntaskólanum á Akureyri í Menningarhúsinu Hofi á Akureyri í dag og hefst athöfnin kl. 10:00. Starfsfólk heimavistar óskar útskriftarnemendum Verkmenntaskólans á Akureyri innilega til hamingju með daginn ☺️

Heimavistin er lokuð yfir jól og áramót. Við lokum húsnæðinu kl. 12:00 á hádegi, laugardaginn 21. desember og opnum aftur eftir jólafrí sunnudaginn 5. janúar kl. 12:00. Við óskum íbúum og fjölskyldum þeirra gleðilegra jóla. Sjáumst kát á nýju ári. Starfsfólk Heimavistar MA og VMA.

Íbúar vinsamlegast athugið að síðasti dagur til að fara með óhreinan þvott í þvottahúsið er á miðvikudaginn 18. desember. Minnum íbúa á að læsa ávalt þvottahólfinu sínu. Munið eftir að tæma hólfið reglulega. Athugið með hreinan þvott áður en farið er heim í jólafrí.

Næðistími á Heimavistinni í próftíð hefur tekið gildi. - Á próftíma á að vera næði allan sólarhringinn. - Ekki er heimilt að hafa hjá sér gesti nema með sérstöku leyfi starfsmanns. - Ekki eru veitt leyfi fyrir næturgestum meðan á próftíma stendur. - Tónlist og sjónvörp á herbergjum og á setustofu mega alls ekki valda ónæði. - Seta í anddyri og á göngum skal takmörkuð Hafið samband við starfsmann í vaktsíma 899-1602 ef þið verðið fyrir ónæði. Gangi ykkur vel i prófunum Sýnum öll tillitssemi Starfsfólk Heimavistar MA og VMA