Þá er komið að því, kæru vistarbúar. Nú er komið að því að þið fáið að kjósa ykkur fulltrúa til heimavistarráðs, en það er skipað sjö íbúum heimavistar. Samkvæmt lögum um heimavistarráð á ráðið að vera skipað fjórum íbúum sem eru nemendur í MA og þremur sem eru nemendur í VMA. Níu gáfu kost á sér til setu í heimavistarráði í vetur,  þrír eru nemendur í MA og eru þeir því sjálfkjörnir. Þar sem aðeins þrír frá MA gáfu kost á sér færist fjórða sætið yfir til VMA íbúa. Kjósa þarf í þau fjögur sæti sem eftir eru á milli þeirra sex VMA íbúa sem gáfu kost á sér til setu í heimavistarráði. Munu sexmenningarnir á næstu dögum kynna sig og málstað sinn fyrir ykkur. Hér á eftir koma nöfn þeirra sem í framboði eru: Hjálmar Björn Guðmundsson, Ómar Eyjólfsson, Hilmar Sigurjónsson,  Anna Þorsteinsdóttir, Einar Bjarni Björnsson og Guðrún Bjarnveig  Jónsdóttir Hér eru svo nöfn þeirra sem eru sjálfkjörin:  Jóhanna Stefánsdóttir, Þorbjörg Arna Unnsteinsdóttir og Jón Árni Magnússon

Sumarfrí starfsmanna heimavistar Lundar er frá 25. júní - 5. ágúst. Hér að neðan má lesa svör við helstu spurningum sem brenna á umsækjendum um heimavist.   Umsókn um heimavist má senda á netfang húsbónda sigmundur@heimavist.is reynt verður að svara því hvort viðkomandi hafi fengið vistarpláss strax og hægt er, eða í síðasta lagi 7. ágúst.   Svör við umsóknum fara í póst dagana 25. - 27. júní. Greiðsluseðlar berast frá banka nokkrum dögum síðar. Eindagi greiðsluseðla er 20. júlí. Tekið verður inn af biðlista 5. -  6. ágúst. Séróskir, t.d. um herbergisfélaga verða að hafa borist fyrir 1. ágúst. Ekki verður hægt að fá upplýsingar um niðurröðun á herbergi fyrir 18. ágúst. Leigusamningar og aðrir pappírar verða sendir út viku fyrir upphaf skóla. Þvottanúmer nýrra íbúa heimavistar berast einnig viku fyrir upphaf skóla. Gengið er frá skráningu í mötuneyti við komu á heimavist.    Ef greiðsluseðill berst ekki er hægt að greiða staðfestingar- og tryggingagjald inn á reikning Lundar að upphæð kr. 26.000. Bankaupplýsingar: 0302-26-106252. Kennitala Lundar: 630107-0160. Mikilvægt er að kennitala verðandi íbúa komi fram sem skýring við greiðslu. Staðfestingar- og tryggingagjald fæst ekki endurgreitt ef hætt er við búsetu á heimavist.

Umsókn um heimavist Hér til hliðar má finna umsókn um heimavist fyrir veturinn 2008-2009. Þegar hún hefur verið fyllt út þarf að koma henni hingað til okkar á heimavistina Það má gera það á þrennan hátt. Með pósti og þá stílað á Lundur heimavist MA/VMA Eyrarlandsvegi 28, 600 Akureyri og bt. Sigmundar Með tölvupósti á netfangið sigmundur@heimavist.is og þarf þá að fylla út umsóknareyðublað og senda sem viðhengi. Nú eða bara með því að koma og afhenda starfsmanni umsóknina og líta á húsakynni í leiðinni. Núverandi íbúar eru beðnir um að skila umsóknum í anddyri eða til húsbónda. A.T.H. Allar séróskir t.d. um herbergi, herbergisfélaga, nágranna eða aðrar óskir þurfa að koma fram á umsókn eða berast á netfangið sigmundur@heimavist.is ekki síðar en 1. ágúst. Viljum við sérstaklega benda nýnemum á að senda inn sínar óskir á netfangið hér að ofan þar sem aðeins er boðið upp á að haka við heimavist á rafrænni umsókn um skólavist en ekki tilgreina óskir. Umsóknarfrestur er til 11. júní.

  Nú er síðasta vikan á þessu skólaári runninn upp. Síðasti matseðill vetrarins frá mötuneytinu kom inn á síðuna í morgun. Heimavistarráð skólaárið 2007-2008 þakkar fyrir sig og vonar um leið að allir hafi átt góðan vetur ! Gleðilegt  sumar og takk fyrir okkur .   kveðjur, Heimavistarráð. 

Næstkomandi miðvikudagskvöld 2.apríl verður haldin tónlistarkvöldvaka á heimavistinni. Fyrirkomulagið verður hvorki flókið né formlegt heldur munu þeir sem vilja koma fram og spila lög eða syngja einungis þurfa að skrá atriðið niður á blað í anddyrinu. Ekki verður formlegur kynnir heldur munu atriðin rúlla áfram og hvetjum við alla tilvonandi tónlistarmenn til að taka þátt. Þeir sem vilja spila eða syngja sjálfir útvega allt sem þarf í atriðið. Planið er að gera þetta að notalegri kvöldstund þar sem menn geta annað hvort hlustað á harðasta rokk eða mildan jazz og borðað snakk og popp í góðra vina hópi. Nánar síðar !

  Gleðilega páska alllir saman og hafið það gott yfir hátíðina. Hittumst hress á ný eftir páska !

  Haldið verður áfram með Poolmót þriðjudagskveldið 11.mars Leikar hefjast klukkan 18:00 og standa fram eftir kveldi þar til einn maður stendur uppi sem sigurvegari. Keppendur eru hvattir til að kynna sér hvenær þeir eiga leik á tímatöflu niðri lobbýi sem og uppí setustofu. Svo auðvitað hvetjum við fólk til að kíkja uppí setustofu meðan leikar standa og fylgjast með. Fyrir hönd Heimavistarráðs Hjálmar&Ómar

  Búið er að draga keppendur saman í fyrstu umferð mótsins og hefst hún á morgun. Þeir sem skráðu sig eru hvattir til að fara fram í anddyri og sjá hvenær þeir eiga að keppa og á móti hverjum. Keppendur verða sjálfir að bera ábyrgð á að mæta í sinn leik. Dómarar verða Ómar Eyjólfs og Hjálmar úr heimavistarráði. Öllum vistarbúum er velkomið að horfa á. Góða skemmtun !

Ipod spilari fannst í þvottahúsinu. Ef einhver saknar hans getur hann vitjað hans þar !    

Skráning er hafin í poolmót sem verður í næstu viku. Spilað er eftir útsláttarfyrirkomulagi, einn á móti einum, maður á móti manni. Nánari upplýsingar veitir hinn háæruverðugi og fallegi Ómar Eyjólfsson frá Vopnafirði (Family Guy gaurinn). Bjallið bara í hann! Hægt er að skrá sig á blað í anddyrinu. Ylhýrar kveðjur, Heimavistarráð