Elsku bestu vistarbúar! Ennþá virðast fötin okkar og sokkapokarnir hlaupa í burtu ! Núna fyrir stuttu týndi ein stelpa hérna á vistinni sokkapokanum sínum með næstum því öllum nærfötunum! Og hún vill endilega fá þau aftur .. Svo gellurnar í þvottahúsinu vilja biðja alla íbúa um að muna það að ef þú færð eitthvað í hólfið þitt sem þú átt ekki sjálfur að vinsamlegast skila því aftur í þvottahúsið! Svo endilega ef þú átt föt, sokkapoka eða eitthvað álíka inná hjá þér sem að er ekki í þinnu eigu að skokka með það aftur niður í þvottahús :) .. Það er ekkert gaman að eiga næstum engin nærföt til að fara í, og þar sem að við flest erum frekar fátækir námsmenn þá er ekkert mjög sniðugt að þurfa alltaf að kaupa ný og ný föt bara vegna þess að fólk nennir ekki að skokka með þau föt sem eru ekki í þeirra eigu niður í þvottahús!    svo bara enn og aftur: muna að fara með allt sem ekki er í ykkar eigu niður í þvottahús!       *knúúúúúúúúúús*

Stelpur Stelpur !   Miðvikudagskvöldið 3.mars verður konukvöld á vistinni! Setustofan opnar klukkan 20:00 en kvöldið sjálft hefst klukkan 20:15.  Leikir, keppnir og margt fleira skemmtilegt verður í gangi.  Margt gómsætt verður í boði :) Nokkrir karlkyns aðilar munu sýna"sixpakkið" :)   Vonumst til að sjá ykkur sem flestar..  

Kæru karlkyns íbúar ! Miðvikudaginn 17.febrúar n.k  verður karlakvöld á heimavistinni ! Húsið opnar 20:00 og kvöldvakan sjálf hefst klukkan 20:15! Við hvetjum alla karlkynsaðila til að mæta ! Snakk og fleira verður í boði. Vonumst til að sjá sem flesta !   Kannski fáið þið eitthvað svona? Hver veit ? :D   

Elsku bestu heimasíðugestir. Ég setti nokkrar myndir frá þorrablótinu hérna inn á síðuna. En allar myndirnar má sjá á    http://sunnamj.123.is/album/default.aspx?aid=170725  .       -- frk. fjölmiðlafulltrúi. 

Elsku dúllurnar okkar! Við viljum biðja ykkur um að koma í snyrtilegum klæðnaði á þorrablótið. Við erum samt ekkert að tala um að þið þurfið að koma í árshátíðarfötunum, heldur bara snyrtilega klædd.      

Elsku bestu heimavistaríbúar ! Stelpurnar í þvottahúsinu báðu okkur um að setja inn auglýsingu hérna á síðuna. Svo virðist vera að þessi blessuðu föt okkar íbúanna sem að við setjum í þvott haldi bara áfram að hlaupa burt.. Til að nefna dæmi þá hefur ung stúlka hérna á heimavistinni góðu, týnt nærfatapokanum í þvotti! Það er nú ekki gott að vera undirfatalaus svo að ef að einhver annar íbúi hefur fengið ókunnugan nærfatapoka í hólfið sitt(sem hefur þá væntanlega endað uppi á herbergi) þá biðjum við hann um að vera svo vænn að skila honum aftur í þvottahúsið.  Þetta á einnig við um allar flíkur sem að þið fáið í ykkar hólf og þið kannist bara ekkert við að eiga. Þið þurfið ekki að gera annað en að skottast niður í þvottahús og fleygja þessu mjúklega inn í gegnum götin í þvottahúsinu. Svo einfalt er það. Og ef að þú ert löt/latur og nennir ekki að gera þér auka ferð niðr' í þvottahús þá getið þið bara tekið þetta á leiðinni í mat. Þar sem að við reiknum fastlega með því að þið borðið einstöku sinnum.      Takktakk, Heimavistarráð !     

Þorrablót Heimavistar verður næstkomandi fimmtudag, 4.febrúar. Matsalurinn opnar klukkan 18:00 en borðhald hefst klukkan 18:30.  Klukkan 20:00 hefjast skemmtiatriði í setustofu.

Elsku bestu heimavistarbúar :D  Ég var að setja inn nýja könnun, og væruð þið til í að vera svo æðisleg að svara henni fyrir okkur í heimavistarráði. Þannig er mál með vexti að okkur datt í hug að hafa smá ball, þar sem dansaðir yrðu gömlu dansarnir, eftir þorrablótið(sem er 4. febrúar n.k). En við vitum ekki alveg hvort að það sé einhver áhugi fyrir því að dansa gömlu dansana. Okkur finnst voðalega tilgangslaust að fá einhvern/einhverja til þess að spila undir dansi, ef að það væru svo engir sem að myndu dansa. Þannig að nennið þið að hjálpa okkur og svara könnuninni.    Með fyrirfram þökk :D f.h. heimavistarráðs, frk. fjölmiðlafulltrúi :)   

NÝR MEÐLIMUR Í HEIMAVISTARRÁÐI !!!!!!   Við í heimavistarráði bjóðum Hilmar Smára Birgisson velkominn í ráðið !  Einnig viljum við þakka Agnesi og Berki fyrir drengilega kosningabaráttu.     Við viljum líka benda fólki á það að framundan er þorrablót, það er dagsett 4.febrúar.Þannig að endilega takið það kvöld frá. Við ætlum að semja einhver skemmtiatriði fyrir það, og því viljum við biðja ykkur, kæru heimavistarbúar, að koma með hugmyndir til okkar. Ef að þið vitið um eitthvað fyndið, kjánalegt, vandræðalegt eða eitthvað álíka sem að íbúar á heimavistinni hafa gert, þá endilega hafið samband við einhverja af okkur í heimavistarráði. Við viljum endilega verða með góð skemmtiatriði og við þurfum ykkar hjálp .. !! Endilega komið hugmyndum á framfæri, ekki vera feimin, við bítum ekkert voðalega fast.  Það sem er planað í febrúar-apríl er: Karlakveld, konukveld, poolmót stórkvöldvaka, tailenskt matarkvöld, lokakvöldvaka og kannski eitthvað fleira sem að á hreinlega eftir að skipuleggja. 

Þeir sem að bjóða sig fram í heimavistarráð eru : Hilmar Smári Birgisson Agnes Ýr Vorsveinsdóttir Börkur Guðmundsson   KOSNING FER FRAM MÁNUDAGINN 18.JANÚAR Í ANDDYRINU FRÁ KLUKKAN 16:00-20:00