Lokað verður fyrir sameiginlegan netaðgang sem íbúar hafa haft aðgang að frá og með kl. 01 aðfaranótt fimmtudags. Ný lykilorð eru tilbúin til afhendingar frá kl. 19 í kvöld. Íbúar þurfa að koma í afgreiðslu til að fá lykilorðin afhent og undirrita samning um netaðgang.

Kynningarfundur með íbúum VMA verður haldinn þriðjudaginn 11. september kl. 17 í matsal á heimavistinni. Stjórnendur og starfsfólk í nemendaþjónustu VMA; skólahjúkrunarfræðingur, námsráðgjafar og fl. munu kynna þá þjónustu sem nemendum stendur til boða.

Heimavistin verður opnuð fyrir innritun MA nemenda miðvikudaginn 12. september frá klukkan 13 til 21 og fimmtudaginn 13. september frá klukkan 08:30 til 20. Skólasetning MA er fimmtudaginn 13. september.

Nú er augnskanninn klár og þurfa allir nýjir vistarbúar að koma í myndatöku í skannanum. Minnum íbúa á að skila umsóknum um mötuneytið sem allra fyrst.

Hannesína Scheving hjúkrunarfræðingur heimavistar verður með fyrsta viðtalstímann fimmtudaginn 23. ágúst frá kl. 17-18. Í vetur verður Hannesína með viðtalstíma á mánudögum og fimmtudögum frá kl. 17-18 í herbergi á skrifstofugangi. Sími hjúkrunarfræðings er 455 1611.

Svava Magnúsdóttir námsráðgjafi VMA verður með viðveru á heimavistinni þriðjudaginn 21. ágúst frá kl. 17-18.

Heimavistin verður opnuð sunnudaginn 19. ágúst fyrir innritun VMA íbúa og afhendingu lykla. Opið verður á sunnudeginum frá klukkan 13:00 til 21 og á mánudeginum 20. ágúst frá klukkan 08:30 til 20.

Umsækjendur um heimavist skólárið 2012-2013 eiga þegar að hafa fengið sent bréf í pósti. Þeir umsækjendur hafa fengið staðfestingu á heimavist þurfa að staðfesta búsetu sína á heimavistinni næsta skólaár með því að greiða annars vegar óendurkræft staðfestingar- og skráningargjald og hins vegar tryggingargjald. Eindagi á greiðslu er 20. júlí. Staðfestingar- og skráningargjaldið er að upphæð 7.000 kr. en tryggingargjaldið að upphæð 27.000 kr. Með staðfestingar- og skráningargjaldinu er greitt m.a. fyrir þinglýsingu húsaleigusamnings, en á grundvelli hans og vottorðs um skólavist geta leigjendur og forráðamenn þeirra sótt um húsaleigubætur þar sem leigjandinn hefur lögheimili. Við lok leigutímans og að lokinni úttekt á húsnæðinu endurgreiðist tryggingargjaldið svo framarlega sem engar skemmdir hafa orðið á húsnæði og búnaði, gerð hafa verið skil á leigugreiðslum, netgjaldi, prentkostnaði ef einhver og athugasemdir ekki gerðar við þrif. Reikningar hafa verið sendir í pósti en einnig hafa kröfur verið stofnaðir/-ar á kennitölu íbúa í innheimtukerfi Arion banka og því er unnt að greiða þær án þess að hafa reikningana undir höndum. Það er gert með því að hafa samband við þjónustuver eða þjónustufulltrúa í þínum viðskiptabanka eða sparisjóði. Ef greiðsluseðill berist ekki er hægt að greiða staðfestingar- og tryggingargjaldið að upphæð 34.000 kr. inn á bankareikning Lundar rekstrarfélags: Reikningur: 0302-26-6252. Kennitala Lundar rekstrarfélags: 630107-0160 Mikilvægt er að kennitala viðkomandi íbúa komi fram sem skýring við greiðslu. Staðfestingar- og tryggingargjald fæst ekki endurgreitt ef hætt er við komuna á heimavistina. Tekið verður inn af biðlista fyrstu dagana í ágúst.

Skrifstofur heimavistar verða lokaðar í júlí vegna sumarleyfa starfsmanna.