Fyrstu íbúar þetta skólaárið koma til okkar í dag en við verðum með opið fyrir móttöku VMA íbúa frá kl. 13-20 og á morgun frá kl. 8.30 - 18.

Minnum íbúa á að notkun rafretta í húsnæði heimavistar er stranglega bönnuð og getur varðað brottvísun. Hægt er að kynna sér reglur heimavistar nánar hér á heimasíðunni.

Hér eru ýmsar hagnýtar upplýsingar fyrir nýja íbúa sem eru að flyta á heimavistina. Þegar íbúar koma á heimavistina þurfa þeir að hafa með sér: Sæng og kodda. Sængurver, koddaver og lök. Handklæði og rúmteppi ef vill. Körfu eða annað hentugt undir óhreinan þvott. Herðatré. Leirtau, hnífapör og glös/könnur eru ekki til staðar á herbergjum. Hlífðarlök eru til staðar og hægt að fá til skiptanna í anddyri. Íbúar fá tuskur, svampa og þvottaefni til að þrífa herbergi og baðherbergi þar sem það á við. Ryksugur og moppur eru til staðar á hverri hæð fyrir sig. Íbúar geta endurraðað húsgögnum á herbergjum en verða að skilja við þau eins og þau komu að þeim í upphafi. Íbúar geta aðeins hengt upp myndir eða annað á veggi með "kennaratyggjói" til að koma í veg fyrir að málningin skemmist. Íbúar á nýju vist hafa aðgang á herbergjum að örbylgjuofni og litlum ísskáp. Þeir íbúar sem eru á gömlu vist hafa ekki aðgang að ísskáp á herbergjum, en sumir koma með lítin kæliskáp með sér. Íbúar geta fengið að geyma töskur á svokölluðu töskulofti. Þá er aðstaða í kjallara til að geyma skauta, skíði, skíðaklossa o.s.frv.

Nú styttist í að Verkmenntaskólinn hefji starfsemi sína og heimavistin opni fyrir íbúum skólans. Heimavistin verður opnuð fyrir innritun íbúa VMA sunnudaginn 19. ágúst frá klukkan 13:00 til 20 og mánudaginn 21. ágúst frá klukkan 08:30 til 18.

Við höfum tekið aftur til starfa eftir sumarfrí og byrjuð að undirbúa komu íbúa. Móttaka íbúa Verkmenntaskólans á Akureyri er sunnudaginn 19. ágúst frá klukkan 13:00 til 20:00 og mánudaginn 20. ágúst frá klukkan 08:30 til 18:00. Kennsla hefst í VMA samkvæmt stundaskrá þriðjudaginn 21. ágúst. Íbúar ættu að fá samninga og önnur gögn frá okkur í pósti eftir helgina.

Eigum laus pláss á heimavistinni í vetur. Áhugasamir sækja um á heimavist.is og lenda sjálfkrafa á biðlista. Haft verður samband við umsækjendur á biðlista í byrjun ágúst þegar skrifstofur opna eftir sumarfrí.

Skrifstofur heimavistar verða lokaðar frá 25. júní vegna sumarleyfa starfsmanna. Skrifstofur verða opnaðar aftur föstudaginn 3. ágúst.

Hér koma svör við helstu spurningum fyrir umsækjendur heimavistar skólaárið 2018-2019: Svör við umsóknum fóru í póst 19. júní. Enn er opið fyrir umsóknir á biðlista og skýrist staðan á umsóknunum í ágúst. Greiðsluseðlar/kröfur vegna staðfestingar- og tryggingargjalds verða stofnaðir/-ar á kennitölu íbúa eða forráðamanna (ólögráða íbúa) í innheimtukerfi Arion banka. Eindagi staðfestingar- og tryggingargjalds er 16. júlí. Ef krafa er ekki greidd á eindaga er gert ráð fyrir að viðkomandi hafi hætt við búsetu á vistinni og nemendur teknir inn af biðlista. Tekið verður inn af biðlista í byrjun ágúst. Raðað verður niður á herbergi fyrstu dagana í ágúst. Breytingar á umsókn s.s. varðandi tegund af herbergi eða herbergisfélaga verða að hafa borist fyrir 1. ágúst á netfangið rosa@heimavist.is Leigusamningar og önnur gögn verða sendir í pósti viku fyrir upphaf skóla. Gengið er frá skráningu í mötuneyti við komuna á heimavistina. Staðfestingar- og tryggingargjald fæst ekki endurgreitt ef hætt er við komuna á heimavistina.

Starfsfólk heimavistar óskar útskriftarnemendum Menntaskólans á Akureyri innilega til hamingju með daginn.

Umsóknarfrestur um heimavist skólaárið 2018-2019 rann út 8. júní s.l. Enn er hægt að sækja um pláss á vistinni en viðkomandi fer sjálfkrafa á biðlista. Gert er ráð fyrir að umsækjendur fái svör við umsóknum í kringum 20. júní.