Heimavistarráð stendur fyrir vöfflukaffi þriðjudagskvöldið 26. mars n.k. kl. 20 í matsalnum. Íbúar hvattir til að mæta og gæða sér á nýbökuðum vöfflum.

Mötuneyti heimavistarinnar hvetur íbúa til að senda inn tillögur að réttum til að hafa á matseðlinum! Hægt er að senda tillögurnar á bryta@ma.is og mega uppskriftir gjarnan fylgja. Hvetjum íbúa til að taka þátt.

Hannesína Schewing hjúkrunarfræðingur er á vaktinni fyrir íbúa heimavistar á mánudögum frá kl. 16.00-17.00 og á fimmtudögum frá kl. 16.30 - 17.30. Bendum foreldrum og forráðamönnum á að hægt er að hringja í hjúkrunarfræðing á viðtalstíma.

Umsóknir fyrir næsta skólaár verða opnar fyrir páska. Sótt verður um á netinu eins og áður hér á heimasíðunni.

Leikfélag Menntaskólans á Akureyri sýnir leikritið Útfjör í Samkomuhúsinu á Akureyri undir stjórn Önnu Gunndísar Guðmundsdóttur. Eins og gefur að skilja taka fjölmargir þátt í þessari uppfærslu eða á milli 70-100 nemendur. Mikil ánægja var með frumsýninguna enda fjölbreytni í fyrirrúmi, leikur, söngur, tónlist og gleði. Boðið er upp á nokkrar sýningar og hvetjum við því alla til að fjölmenna.

Ester María íbúi okkar hlaut á dögunum styrk úr Hvatningarsjóði Kviku sem hefur m.a. að markmiði að efla umræðu og vitund um mikilvægi iðn- og starfsnáms. Ester er í húsasmíði við Verkmenntaskólann á Akureyri og óskum við henni að sjálfsögðu til hamingju. Á facebook síðu heimavistarinnar má sjá viðtal við Ester.

Heimavistin auglýsir eftir íbúum til að aðstoða við þrif o.fl. (ryksuga, fylla á lagera o.s.frv.) nokkra tíma á viku eftir skóla (1-2 klst. í senn). Nánari upplýsingar veita Halla Sif og Rósa María.

Ársfundur Lundar 2018 verður fimmtudaginn 21. febrúar n.k. kl. 16 í setustofu heimavistar. Dagskrá ársfundar: 1. Ársreikningur Lundar skólaárið 2017/2018 til kynningar. 2. Skýrsla stjórnar um starfsemi Lundar skólaárið 2017/2018. 3. Önnur mál. Ársfundur Lundar er opinn þeim sem aðild eiga að Heimavist MA og VMA, s.s. íbúum Lundar, foreldrum og forráðamönnum íbúanna, kennurum og starfsmönnum framhaldsskólana á Akureyri auk þeirra starfsmanna sem starfa í húsakynnum Lundar.

Það verður líf og fjör á heimavistinni í dag þegar við fáum á þriðja hundrað grunnskólanemendur í heimsókn en heimsóknin er hluti af kynningum framhaldsskólana MA og VMA. Nemendur koma úr grunnskólum nágrannasveitafélaga: Hrafnagilsskóla, Dalvíkurskóla, Þelamekurskóla, Grenivíkurskóla, grunnskólanum á Þórshöfn, Valsársskóla, Reykjahlíð, Blönduskóla, Stórutjörnum, Höfðaskóla og Þingeyjarskóla.

Leikfélag Verkmenntaskólans á Akureyri frumsýnir söngleikinn Bugsy Malón í Hofi föstudagskvöldið 8. febrúar n.k.. Eins og gefur að skilja taka fjölmargir þátt í uppfærslunni og eru íbúar okkar þar á meðal. Gert er ráð fyrir nokkrum sýningarkvöldum og eins og leikstjórinn Gunnar Björn G. benti á í viðtali þá er um viðamikla sýningu að ræða sem er myndræn, fjörug og skemmtileg. Hvetjum því alla til að fjölmenna.