Heimavistinni verður lokað kl. 12 miðvikudaginn 21. desember. Við opnum aftur eftir áramót þriðjudaginn 3. janúar kl. 12. Minnum íbúa á að ganga vel frá herbergjum áður en haldið er heim í jólafrí.

Próftími á heimavist hefst 3.desember. Á próftíma gilda ákveðnar reglur: Á próftíma á að vera næði allan sólarhringinn. Ekki er heimilt að hafa hjá sér gesti nema með sérstöku leyfi starfsmanns. Ekki eru veitt leyfi fyrir næturgestum meðan á próftíma stendur. Morgunmatur er virka daga kl. 7:15 – 9:15 og um helgar kl. 10:00 – 13:00. Drykkur er alla daga kl. 15:00 - 16:30, einnig um helgar. Hljómflutningstæki og sjónvörp á herbergjum og setustofum mega alls ekki valda ónæði. Seta í anddyri og á göngum skal takmörkuð. Reglulegum próftíma lýkur 13. desember. Hafið samband við öryggisvakt í síma 1602 ef þið verðið fyrir ónæði. Gangi ykkur vel i prófunum og sýnum öll tillitssemi.

Jólahlaðborð Heimavistarráðs verður haldið miðvikudagskvöldið 30. nóvember frá kl. 17.30-19.30. Íbúum heimavistarinnar verður boðið upp á glæsilegan matseðil í skreyttum matsal. Íbúar eru hvattir til að mæta í snyrtilegum klæðnaði enda tilefnið hátíðlegt.

Heimavistarráð stendur fyrir laufabrauðsgerð fimmtudaginn 24. nóvember kl. 20 í matsalnum. Íbúar hvattir til að mæta og hjálpast að við að skera út kökur sem verða síðan í boði á jólahlaðborðinu.

Athygli er vakinn á því að uppsagnarfrestur húsaleigusamninga við annarskil er einn mánuður m.v. næstu mánaðarmót frá uppsögn samningsins. Þetta á eingöngu við þá nemendur sem hætta námi. VMA-íbúar sem eru að hætta námi í lok desember verða að skila skriflegri uppsögn fyrir 30. nóvember til að komast hjá því að greiða húsaleigu eftir áramót. Þeir VMA-íbúar sem hætta námi um annarskil vegna ófullnægjandi námsframvindu eiga að senda skriflega uppsögn til undirritaðrar um leið og niðurstaða annarprófa er ljós. Við þessar aðstæður er uppsagnarfresturinn einn mánuður frá næstu mánaðarmótum/áramótum og þeir munu því þurfa að greiða húsaleigu fyrir janúar. MA-íbúar sem ljúka námi í janúar verða að skila skriflegri uppsögn í desember eða fyrr ef hægt er. Þeir sem hætta námi um annarskil vegna ófullnægjandi námsframvindu eiga að senda skriflega uppsögn til undirritaðrar um leið og niðurstaða annarprófa er ljós Við þessar aðstæður er uppsagnarfresturinn einn mánuður frá næstu mánaðarmótum og þeir munu því þurfa að greiða húsaleigu fyrir febrúar. Uppsagnir skal senda á netfangið: rosa@heimavist.is

Föstudaginn 4. nóvember nk. verður myndin "The brothers Grimsby" sýnd kl. 20:00 á setustofu heimavistar. Mætum öll í bío!

Nýtt heimavistarráð fyrir skólaárið 2016-2017 hefur tekið til starfa. Hér má sjá fulltrúana: Formaður - Ásdís Birta Árnadóttir - MA Varaformaður - Ívar Breki Benjamínsson - MA Guðbrandur Máni Filippusson - VMA Kristín Anítudóttir - MA Orri Þórsson - VMA Telma Lind Bjarkardóttir - MA Þorgeir Ingvarsson - MA Starfsfólk Heimavistar óskar þeim til hamingju með nýju embættin og góðs gengis og samstarfs í vetur.

Opnað hefur verið fyrir umsóknir um heimavist vorið 2017. Ekki liggur fyrir hvað hægt verður að taka á móti mörgum nýjum íbúum en haft verður samband við umsækjendur þegar nær dregur.

Það var sannarlega líf og fjör þegar um 150 nemendur úr nágrannabyggðalögunum og kennarar þeirra komu í heimsókn á heimavistina í gær. Á hverju hausti fáum við hressa og skemmtilega nemendur úr 9. og 10. bekk en þessi heimsókn er hluti af heimsókn þeirra í framhaldsskólana; Menntaskólann á Akureyri og Verkmenntaskólann Akureyri. Að þessu sinni komu nemendur frá 11 grunnskólum: Hrafngilsskóla, Gunnskólanum á Þórshöfn, Bakkafirði, Höfðaskóla, Þelamerkuskóla, Stórutjarnarskóla, Genivíkurskóla, Borgarhólsskóla, Dalvíkurskóla, Valsárskóla og Þingeyjarskóla. Nemendurnir fengu kynningu á heimavistinni sem íbúar tóku þátt í og boðið var upp á hressingu í setustofunni eins og venja er. Kærar þakkir fyrir komuna. Flottur hópur nemenda Hrafnagilsskóla Nemendur fengu hressingu á setustofunni

Minnum íbúa, foreldra og forráðamenn á að hægt er að ná í starfsmann á vakt allan sólarhringinn. Númerið er 899 1602 eða 455 1602.