Ársfundur Lundar 2015 verður fimmtudaginn 18. febrúar n.k. kl. 16 í setustofu heimavistar. Dagskrá ársfundar: 1. Ársreikningur Lundar skólaárið 2014/2015 til kynningar. 2. Skýrsla stjórnar um starfsemi Lundar skólaárið 2014/2015. 3. Önnur mál. Ársfundur Lundar er opinn þeim sem aðild eiga að Heimavist MA og VMA, s.s. íbúum Lundar, foreldrum og forráðamönnum íbúanna, kennurum og starfsmönnum framhaldsskólana á Akureyri auk þeirra starfsmanna sem starfa í húsakynnum Lundar.

Á næstu dögum verður haldin brunaæfing á Heimavist MA og VMA. Mjög mikilvægt er að allir íbúar heimavistarinnar taki þátt í æfingunni.

Breytingar hafa orðið á skipan heimavistarráðs sem kosið var s.l. haust fyrir skólaárið 2015-2016. Um áramótin kom inn nýr formaður og eins nýr skemmtanastjóri. Hér má sjá núverandi fulltrúa í heimavistarráði og röðun í embætti: Formaður - Sigmar Ingi Njálsson nemandi við VMA. Varaformaður - Guðbrandur Máni Filippusson nemandi við VMA. Ritari - Ásdís Birta Árnadóttir nemandi við MA. Aldís Embla Björnsdóttir nemandi við MA. Birta Dögg Bessadóttir nemandi við MA. Margrét Eva Arthúrsdóttir nemandi við VMA. Nökkvi Freyr Bergsson nemandi við MA.

Nú er prófum í MA lokið og MA íbúar að hefja nám á vorönn. VMA íbúar hófu sína vorönn í byrjun ársins. Við taka hefðbundnir dagar á heimavistinni þar sem almennar reglur um aga og umgengni gilda.

Reglur á próftíma: Á próftíma á að vera næði allan sólarhringinn. Ekki er heimilt að hafa hjá sér gesti nema með sérstöku leyfi starfsmanns. Ekki eru veitt leyfi fyrir næturgestum meðan á próftíma stendur. Morgunmatur er virka daga kl. 7:15 – 9:15 og um helgar kl. 10:00 – 13:00. Drykkur er alla daga kl. 15:00 - 16:30, einnig um helgar. Hljómflutningstæki og sjónvörp á herbergjum og setustofum mega alls ekki valda ónæði. Seta í anddyri og á göngum skal takmörkuð. Reglulegum próftíma lýkur 22. janúar. Hafið samband við öryggisvakt í síma 1602 ef þið verðið fyrir ónæði. Gangi ykkur vel i prófunum Sýnum öll tillitssemi Starfsfólk Heimavistar MA og VMA

Hjúkrunarfræðingur Heimavistar er María Albína Tryggvadóttir. Viðtalstímar hennar eru á mánudögum frá kl. 15:30 - 16:30 og á fimmtudögum frá klukkan kl. 16:00 - 17:00 í herbergi á skrifstofugangi. Sími hjúkrunarfræðings er 455 1611.

Starfsfólk heimavistar óskar íbúum og fjölskyldum þeirra gleðilegrar hátíðar. Heimavistin verður opnuð eftir jólafrí sunnudaginn 3. janúar kl. 12.

Starfsfólk heimavistar óskar útskriftarnemendum Verkmenntaskólans á Akureyri innilega til hamingju með daginn.

Heimavistinni verður lokað kl. 12:00 á hádegi, laugardaginn 19. desember. Heimavistin verður opnuð eftir jólafrí sunnudaginn 3. janúar kl. 12:00. Áður en íbúar yfirgefa herbergin eru þau vinsamlegast beðin gangið úr skugga um að allt sé eins og það á að vera, s.s. gluggar lokaðir, engin rafmagnstæki í gangi, ísskápur tæmdur og farið sé með rusl í gámana. Bestu óskir um gleðileg jól og farsæld á nýju ári. Starfsfólk Heimavistar MA og VMA

Bendum áhugasömum á að það eru laus pláss á heimavistinni á vorönn. Hægt er að sækja um hér á heimasíðunni.