Húsaleigusamningar VMA íbúa eru farnir í póst og ættu því að berast íbúum næstu daga. Reynt var að verða við óskum íbúa um herbergi eins og hægt var.

Undirbúum móttöku íbúa VMA og MA Við höfum tekið til starfa eftir sumarfrí og erum byrjuð að undirbúa komu íbúa. Móttaka íbúa Verkmenntaskólans á Akureyri er mánudaginn 16. ágúst frá klukkan 13:00 til 20:00 og þriðjudaginn 17. ágúst frá klukkan 08:30 til 18:00.  Kennsla hefst í VMA samkvæmt stundaskrá miðvikudaginn 18. ágúst. Íbúar ættu að fá samninga og önnur gögn frá okkur í pósti eftir helgina. Athugið að móttakan er miðuð við gildandi sóttvarnartakmarkanir. Ef breyting verður á verður það auglýst sérstaklega. Móttaka íbúa í MA verður sunnudaginn 22. ágúst og mánudaginn 23. ágúst. Samningar ættu að berast vikunni áður.

Svör við umsóknum voru send út með tölvupósti 25.júní. Það er enn opið fyrir umsóknir næsta vetur. Umsækjendur sem sækja um eftir 23. júní fá staðfestingu í ágúst eftir sumarleyfi. Greiðsluseðlar/kröfur vegna staðfestingar- og tryggingargjalds verða stofnaðir/-ar á kennitölu íbúa eða forráðamanna (ólögráða íbúa) í innheimtukerfi Arion banka. Eindagi staðfestingar- og tryggingargjalds er 26. júlí. Ef krafa er ekki greidd á eindaga er gert ráð fyrir að viðkomandi hafi hætt við búsetu á vistinni. Raðað verður niður á herbergi fyrstu dagana í ágúst. Breytingar á umsókn s.s. varðandi tegund af herbergi eða herbergisfélaga verða að hafa borist fyrir 1. ágúst á netfangið maria@heimavist.is Leigusamningar og önnur gögn verða sendir í pósti viku fyrir upphaf skóla. Gengið er frá skráningu í mötuneyti við komuna á heimavistina. Staðfestingar- og tryggingargjald fæst ekki endurgreitt ef hætt er við komuna á heimavistina.

Starfsfólk heimavistar óskar útskriftarnemendum Menntaskólans á Akureyri innilega til hamingju með daginn.

Þó að umsóknarfrestur fyrir næsta skólaár sé liðinn þá eru einhver pláss laus. Hægt er að sækja um hér á heimasíðunni.

Minnum á að það er opið fyrir umsóknir næsta skólaár 2021-2022. Umsóknarfrestur er til 10. júní og er sótt um hér á heimasíðunni.

Starfsfólk heimavistar óskar útskriftarnemendum Verkmenntaskólans á Akureyri innilega til hamingju með daginn.

Minnum á að það er opið fyrir umsóknir næsta skólaár 2021-2022. Umsóknarfrestur er til 10. júní og er sótt um hér á heimasíðunni.

Íbúar eru byrjaðir að undirbúa brottför og þegar hafa íbúar skilað lyklum og haldið til síns heima. Vonandi verðum við að mestu laus við COVID næsta skólaár og heimilislífið á stóra heimilinu því nokkuð "eðlilegt" þar sem hægt verður að bjóða utanaðkomandi gestum í heimsókn. Við hlökkum til :)

Nú eru einhverjir íbúar þegar farnir að skila af sér herbergjum og halda út í vorið. Við minnum alla á að þrífa herbergin samviskusamlega og skila þeim eins og þeir tóku við þeim við komuna á stóra heimilið. Áður en þið farið heim, vinsamlega: • Nálgist gátlista í afgreiðslu vegna herbergisþrifanna • Sækið vagn með ræstivörum • Skilið lykli/korti af herbergi • Skilið þvottahúslykli í þvotthús • Hafið alltaf samband við starfsmann við brottför. Gangi ykkur vel í prófum/námsmatsverkefnum Starfsfólk Heimavistar MA og VMA