Það var líf og fjör á heimavistinni í dag þegar við fengum um tvö hundruð grunnskólanemendur í heimsókn en hún er hluti af kynningum framhaldsskólana MA og VMA. Nemendur komu úr grunnskólum nágrannasveitafélaga: Hrafnagilsskóla, Dalvíkurskóla, Þelamekurskóla, Grenivíkurskóla, Grunnskólanum á Þórshöfn, Valsársskóla, Reykjahlíð, Þingeyjarskóla, Öxarfjarðarskóla, Húnavallaskóla og Grunnskólanum í Hrísey. Hægt er að sjá myndir á  facebook síðu heimavistarinnar.

Höfum opnað fyrir umsóknir um heimavist fyrir vormisseri 2023. Sótt er um á heimasíðunni www.heimavist.is og í kjölfarið verður haft samband við umsækjendur. Bendum á að þeir sem eru þegar íbúar hjá okkur þurfa ekki að sækja um.

Nýtt heimavistarráð fyrir skólaárið 2022-2023 hefur verið skipað og er byrjað að funda. Fulltrúar í heimavistarráði þetta skólaár eru: Mikael Jens Halldórsson formaður heimavistarráðs Jóhannes Þór Hjörleifsson varaformaður Hlynur Fannar Stefánsson ritari Aðalheiður Ingvarsdóttir Enok Atli Reykdal Óli Jóhannes Gunnþórsson Þórný Harpa Rósinkranz Heimisdóttir  Starfsfólk Heimavistar óskar nýjum fulltrúum í heimavistráði til hamingju og góðs gengis og samstarfs í vetur.

Auður Karen Gunnlaugsdóttir hefur verið ráðin í stöðu skólahjúkrunarfræðings við MA og VMA og er það í samstarfi við Heilbrigðisstofnun Norðurlands (HSN). Auður verður með viðveru Í MA í viðtalsherbergi í Gamla skóla á fimmtudögum frá kl. 8 -13. Opinn viðtalstími hjúkrunarfræðings er frá kl. 10-11. Ekki þarf að panta tíma en velkomið er að senda fyrirspurn á  audur@ma.is eða mæta á staðinn. Auður verður með viðveru Í VMA á skrifstofu hjúkrunarfræðing í C-álmu (við hliðina á C09) á þriðjudögum frá kl. 8.30 - 9.30 og á miðvikudögum frá kl. 10.30 - 11.30. Ekki þarf að panta tíma en einnig er velkomið að senda fyrirspurn á  audur.karen.gunnlaugsdottir@vma.is eða mæta á staðinn. Bendum forráðamönnum og foreldrum á að þeim er jafnframt velkomið að hafa samband við hjúkrunarfræðing.