Kæru íbúar! Hafið þið áhuga á að starfa í heimavistarráði?   Óskað er eftir framboðum í heimavistarráð fyrir veturinn 2010-2011 !  Skila skal framboðum í kjörkassann í lobbýinu fyrir klukkan 22:00 fimmtudaginn 23.september.

Heimvistin verður opin til innritunar fyrir nemendur MA. laugardaginn 11. september frá kl. 14 til kl 18 sunnudaginn 12. september frá kl. 12 til kl. 20. mánudaginn 13. september frá kl. 09 til kl. 22.   Til að auðvelda og flýta fyrir innskráningu viljum við minna ykkur á að hafa með leigusamninga og fylgibréf útfyllt og undirrituð.      1)  Fyrir hvert eintak af leigusamningi þarf að fylla út: - Hvaða greiðslufyrirkomulag þú velur en í boði eru tveir kostir. - Undirrita samninginn. Sért þú ekki lögráða (18 ára) þarf forráðamaður þinn að undirrita samninginn. - Fá tvo vitundarvotta til að undirrita húsaleigusamninginn. - Tilgreina hvert endurgreiða skuli tryggingargjaldið í lok leigutíma.    2)  Annað eintakið af reglum um aga og umgengni þarf einnig að undirrita af íbúa og forráðamanni. Hitt eintakið er ætlað foreldrum og forráðamönnum.    3)  Annað eintakið af bréfi húsbónda.  Hitt eintakið er ætlað foreldrum og forráðamönnum. Öll eintökin af húsaleigusamningi, annað eintakið af reglum um aga og umgengni og annað eintakið af bréfi húsbónda skal afhendast við komu á vistina gegn afhendingu lykla að húsnæðinu. Lundur mun sjá um að þinglýsa húsaleigusamningum.  Gerð og þinglýsing húsaleigusamnings og vottorð viðkomandi skóla um skólavist eru innifalin í staðfestingar- og skráningargjaldinu sem innheimt var í sumar. Lundur mun sjá um að senda þinglýstan húsaleigusamning og vottorð um skólavist til foreldra/forráðamanna.  Þau gögn eru notuð við umsókn um húsaleigubætur í sveitarfélaginu við lögheimili nemandans. Mikilvægt er að sækja um húsaleigubætur sem fyrst svo þær verði greiddar fyrir alla mánuði samningsins.    

Ágæti íbúi á heimavist Lundar. Þegar nemendur Verkmenntaskólans flytja inn á vistina í næstu viku þurfa þeir að búa fyrst um sinn í öðrum herbergjum en þeir hafa fengið ráðastafað fyrir veturinn.  Ástæðan er sú að hótelrekstraraðilinn, sem starfrækir Hótel Eddu í húsakynnum Lundar yfir sumarið, verður með hluta af húsakynnum Lundar þegar íbúar VMA koma á vistina. Dagana 30. ágúst til 2. september munu íbúar VMA flytja sig um set í þau herbergi sem þeir hafa fengið úthlutað skv. húsaleigusamningi. Við komuna á vistina mun húsbóndi upplýsa íbúana hvar þeir muni búa fyrst um sinn. ALLIR ÍBÚAR VMA MUNU BÚA FRÍTT Á HEIMAVISTINNI FRAM TIL 1. SEPTEMBER J Þar sem búið verður þröngt fram til mánaðarmóta biðjum við þá íbúa sem geta, að geyma heima stærri hluti (ekki bráðnauðsynlega) þar til endanlegum herbergjum verður úthlutað.  Að sjálfsögðu getum við tekið í geymslu stærri hluti (og kassa) fyrir þá íbúa sem koma langt að og fara sjaldan heim. Við vonum að íbúar Lundar og aðstandendur þeirra sýni þessum aðstæðum skilning en rekstur sumarhótels í húsakynnum Lundar á stóran þátt í að gera Lundi unnt að fjármagna og reka heimavist á Akureyri fyrir 330 nemendur á myndarlegan og metnaðarfullan hátt. Mötuneytisþjónusta verður starfrækt í matsal vistarinnar frá fyrsta degi en matmálstímar verða kynntir sérstaklega þegar íbúarnir koma á vistina. Þvottaþjónusta fyrir íbúana verður einnig starfrækt á vistinni frá fyrsta degi.  Við viljum ítreka að allur þvottur þarf að vera vel merktur.

Sumarfrí starfsmanna heimavistar Lundar er frá 23. júní - 3. ágúst. Hér að neðan má lesa svör við helstu spurningum sem brenna á umsækjendum um heimavist.   Svör við umsóknum fara í póst dagana 23. - 24. júní. Greiðlsuseðlar berast frá banka nokkrum dögum síðar. Eindagi greiðsluseðla er 20. júlí. Tekið verður inn af biðlista 5. - 7. ágúst. Séróskir, t.d. um herbergisfélaga verða að hafa borist fyrir 1. ágúst. Ekki verður raðað á herbergi fyrr en eftir 5. ágúst. Leigusamningar og aðrir pappírar verða sendir viku fyrir upphaf skóla. Þvottanúmer nýrra íbúa heimavistar berast einnig viku fyrir upphaf skóla. Gengið er frá skráningu í mötuneyti við komu á heimavist.  Ef greiðsluseðill berst ekki er hægt að greiða staðfestingar- og tryggingagjald inn á reikning Lundar að upphæð kr. 27.000. Bankaupplýsingar: 0302-26-106252. Kennitala Lundar: 630107-0160. Mikilvægt er að kennitala verðandi íbúa komi fram sem skýring við greiðslu. Staðfestingar og tryggingagjald fæst ekki endurgreitt ef hætt er við búsetu á heimavist.   

Umsókn um heimavist fyrir skólaárið   2010 - 2011 Hér til hliðar má finna umsókn um heimavist fyrir veturinn 2010-2011. Þegar hún hefur verið fyllt út þarf að koma henni hingað til okkar á heimavistina Það má gera það á þrennan hátt. Með pósti og þá stílað á Lundur heimavist MA/VMA Eyrarlandsvegi 28, 600 Akureyri og bt. Sigmundar Með tölvupósti á netfangið sigmundur@heimavist.is og þarf þá að fylla út umsóknareyðublað og senda sem viðhengi. Nú eða bara með því að koma og afhenda starfsmanni umsóknina og líta á húsakynni í leiðinni. Núverandi íbúar eru beðnir um að skila umsóknum í anddyri eða til húsbónda. A.T.H. Allar séróskir t.d. um herbergi, herbergisfélaga, nágranna eða aðrar óskir þurfa að koma fram á umsókn eða berast á netfangið sigmundur@heimavist.is ekki síðar en 1. ágúst. Viljum við sérstaklega benda nýnemum á að senda inn sínar óskir á netfangið hér að ofan þar sem aðeins er boðið upp á að haka við heimavist á rafrænni umsókn um skólavist en ekki tilgreina óskir. Umsóknarfrestur er til 11. júní.    Húsaleigu verðskrá fyrir skólaárið 2010 til 2011 er nú komin og má sjá hana á umsókn um heimavist

Elsku bestu vistarbúar! Ennþá virðast fötin okkar og sokkapokarnir hlaupa í burtu ! Núna fyrir stuttu týndi ein stelpa hérna á vistinni sokkapokanum sínum með næstum því öllum nærfötunum! Og hún vill endilega fá þau aftur .. Svo gellurnar í þvottahúsinu vilja biðja alla íbúa um að muna það að ef þú færð eitthvað í hólfið þitt sem þú átt ekki sjálfur að vinsamlegast skila því aftur í þvottahúsið! Svo endilega ef þú átt föt, sokkapoka eða eitthvað álíka inná hjá þér sem að er ekki í þinnu eigu að skokka með það aftur niður í þvottahús :) .. Það er ekkert gaman að eiga næstum engin nærföt til að fara í, og þar sem að við flest erum frekar fátækir námsmenn þá er ekkert mjög sniðugt að þurfa alltaf að kaupa ný og ný föt bara vegna þess að fólk nennir ekki að skokka með þau föt sem eru ekki í þeirra eigu niður í þvottahús!    svo bara enn og aftur: muna að fara með allt sem ekki er í ykkar eigu niður í þvottahús!       *knúúúúúúúúúús*

Stelpur Stelpur !   Miðvikudagskvöldið 3.mars verður konukvöld á vistinni! Setustofan opnar klukkan 20:00 en kvöldið sjálft hefst klukkan 20:15.  Leikir, keppnir og margt fleira skemmtilegt verður í gangi.  Margt gómsætt verður í boði :) Nokkrir karlkyns aðilar munu sýna"sixpakkið" :)   Vonumst til að sjá ykkur sem flestar..  

Kæru karlkyns íbúar ! Miðvikudaginn 17.febrúar n.k  verður karlakvöld á heimavistinni ! Húsið opnar 20:00 og kvöldvakan sjálf hefst klukkan 20:15! Við hvetjum alla karlkynsaðila til að mæta ! Snakk og fleira verður í boði. Vonumst til að sjá sem flesta !   Kannski fáið þið eitthvað svona? Hver veit ? :D   

Elsku bestu heimasíðugestir. Ég setti nokkrar myndir frá þorrablótinu hérna inn á síðuna. En allar myndirnar má sjá á    http://sunnamj.123.is/album/default.aspx?aid=170725  .       -- frk. fjölmiðlafulltrúi. 

Elsku dúllurnar okkar! Við viljum biðja ykkur um að koma í snyrtilegum klæðnaði á þorrablótið. Við erum samt ekkert að tala um að þið þurfið að koma í árshátíðarfötunum, heldur bara snyrtilega klædd.