Eigum laus pláss á heimavistinni í vetur. Áhugasamir sækja um á heimavist.is og lenda sjálfkrafa á biðlista. Haft verður samband við umsækjendur á biðlista í byrjun ágúst þegar skrifstofur opna eftir sumarfrí.

Skrifstofur heimavistar verða lokaðar frá 25. júní vegna sumarleyfa starfsmanna. Skrifstofur verða opnaðar aftur föstudaginn 3. ágúst.

Hér koma svör við helstu spurningum fyrir umsækjendur heimavistar skólaárið 2018-2019: Svör við umsóknum fóru í póst 19. júní. Enn er opið fyrir umsóknir á biðlista og skýrist staðan á umsóknunum í ágúst. Greiðsluseðlar/kröfur vegna staðfestingar- og tryggingargjalds verða stofnaðir/-ar á kennitölu íbúa eða forráðamanna (ólögráða íbúa) í innheimtukerfi Arion banka. Eindagi staðfestingar- og tryggingargjalds er 16. júlí. Ef krafa er ekki greidd á eindaga er gert ráð fyrir að viðkomandi hafi hætt við búsetu á vistinni og nemendur teknir inn af biðlista. Tekið verður inn af biðlista í byrjun ágúst. Raðað verður niður á herbergi fyrstu dagana í ágúst. Breytingar á umsókn s.s. varðandi tegund af herbergi eða herbergisfélaga verða að hafa borist fyrir 1. ágúst á netfangið rosa@heimavist.is Leigusamningar og önnur gögn verða sendir í pósti viku fyrir upphaf skóla. Gengið er frá skráningu í mötuneyti við komuna á heimavistina. Staðfestingar- og tryggingargjald fæst ekki endurgreitt ef hætt er við komuna á heimavistina.

Starfsfólk heimavistar óskar útskriftarnemendum Menntaskólans á Akureyri innilega til hamingju með daginn.

Umsóknarfrestur um heimavist skólaárið 2018-2019 rann út 8. júní s.l. Enn er hægt að sækja um pláss á vistinni en viðkomandi fer sjálfkrafa á biðlista. Gert er ráð fyrir að umsækjendur fái svör við umsóknum í kringum 20. júní.

Umsóknarfrestur um heimavist skólaárið 2018 - 2019 er til 8. júní n.k. Sótt er um hér á heimasíðunni.

Starfsfólk heimavistar óskar útskriftarnemendum Verkmenntaskólans á Akureyri innilega til hamingju með daginn.

Nú nálgast próftími hjá íbúum heimavistar. Próftími hjá VMA íbúum byrjar 9. maí og lýkur 18. maí en þann dag hefjast próf hjá MA íbúum. Á próftíma gilda ákveðnar reglur: Á próftíma á að vera næði allan sólarhringinn. Ekki er heimilt að hafa hjá sér gesti nema með sérstöku leyfi starfsmanns. Ekki eru veitt leyfi fyrir næturgestum meðan á próftíma stendur. Morgunmatur er virka daga kl. 7:15 – 9:15 og um helgar kl. 10:00 – 13:00. Drykkur er alla daga kl. 15:00 - 16:30, einnig um helgar. Hljómflutningstæki og sjónvörp á herbergjum og setustofum mega alls ekki valda ónæði. Seta í anddyri og á göngum skal takmörkuð. Hafið samband við öryggisvakt í síma 1602 ef þið verðið fyrir ónæði. Gangi ykkur vel i prófunum og sýnum öll tillitssemi. Starfsfólk heimavistar MA og VMA

Kæru íbúar! Áður en þið skilið af ykkur herbergi og lyklum í vor þarf að þrífa herbergið mjög vel. Leiðbeiningar “tékklista” og ræstiefni fáið þið hjá starfsmanni í anddyri. Skila þarf tékklistanum og lykli til starfsmanns við brottför. Þrífa þarf herbergið samviskusamlega og skila því eins og það var við komuna á heimavistina. Góða ferð út í sumarið! Starfsfólk Heimavistar MA og VMA

Það styttist í próf hjá íbúum VMA en prófin hefjast föstudaginn 11. maí. Próf hjá íbúum MA hefjast aðeins síðar eða þriðjuadaginn 22.maí.