Höfum opnað fyrir umsóknir fyrir næsta skólaár. Umsóknarfrestur um Heimavist Menntaskólans á Akureyri og Verkmenntaskólans á Akureyri fyrir skólaárið 2017 - 2018 er til 9. júní. Sótt er um rafrænt á heimasíðunni.

Heimavistin ætlar að taka þátt í Framhaldsskólakynningu dagana 16. – 18. mars n.k. í Laugardalshöll. Í höllinni gefst einstakt tækifæri til að kynna sér fjölbreytt námsframboð framhaldsskóla landsins en starfsfólk og nemendur 26 skóla munu miðla upplýsingum og fróðleik um námið, félagslífið og framtíðarmöguleikana. Á sama tíma fer fram í Höllinni Íslandsmót iðn- og verkgreina. Um 150 keppendur munu taka þátt í Íslandsmótinu og keppt verði í 21 iðngrein. Nokkrar greinar til viðbótar verða með kynningu á störfum en alls taka 27 iðn- og verkgreinar þátt í ár. Fagreinarnar bjóða einnig upp á „Prófaðu“ svæði þar sem gestir fá að fikta, smakka og upplifa. Allir velkomnir - enginn aðgangseyrir! Hlökkkum til að sjá ykkur!

Ársfundur Lundar 2016 verður miðvikudaginn 22. mars n.k. kl. 16 í setustofu heimavistar. Dagskrá ársfundar: 1. Ársreikningur Lundar skólaárið 2015/2016 til kynningar. 2. Skýrsla stjórnar um starfsemi Lundar skólaárið 2015/2016. 3. Önnur mál. Ársfundur Lundar er opinn þeim sem aðild eiga að Heimavist MA og VMA, s.s. íbúum Lundar, foreldrum og forráðamönnum íbúanna, kennurum og starfsmönnum framhaldsskólana á Akureyri auk þeirra starfsmanna sem starfa í húsakynnum Lundar

Heimavist MA og VMA ætlar að taka þátt í Framhaldsskólakynningu dagana 16. – 18. mars 2017 í Laugardalshöllinni. Þarna gefst einstakt tækifæri til að kynna sér fjölbreytt námsframboð framhaldsskóla landsins en starfsfólk og nemendur 26 skóla munu miðla upplýsingum og fróðleik um námið, félagslífið og framtíðarmöguleikana. Á sama tíma fer fram í Höllinni Íslandsmót iðn- og verkgreina. Allir velkomnir - enginn aðgangseyrir!

Senn líður að páskafríi íbúa en báðir framhaldsskólarnir MA og VMA eru með síðasta kennsludag fyrir páska föstudaginn 7. apríl. Heimavistin verður því lokuð frá kl. 12 á hádegi laugardaginn 8. apríl. VMA byrjar kennslu eftir páska þriðjudaginn 18. apríl en MA mánudaginn 24. apríl. Heimavistin verður því opnuð eftir páskafrí mánudaginn 17. apríl kl. 12

Nemendur í 8. og 9. bekk Grunnskóla Húnaþings vestra komu í heimsókn og fengu kynningu á heimavistinni í morgun. Á hverju skólaári fáum við hressa og skemmtilega nemendur úr efri bekkjum grunnskóla í heimsókn en heimsóknin er hluti af heimsókn þeirra í framhaldsskólana; Menntaskólann á Akureyri og Verkmenntaskólann Akureyri. Kærar þakkir fyrir komuna.

Nú er prófum í MA lokið og MA íbúar að hefja nám á vorönn eftir helgi. VMA íbúar hófu sína vorönn í byrjun ársins. Við taka hefðbundnir dagar á heimavistinni þar sem almennar reglur um aga og umgengni gilda.

Próftími hefst 6. desember. Á próftíma á að vera næði allan sólarhringinn. Ekki er heimilt að hafa hjá sér gesti nema með sérstöku leyfi starfsmanns. Ekki eru veitt leyfi fyrir næturgestum meðan á próftíma stendur. Morgunmatur er virka daga kl. 7:15 – 9:15 og um helgar kl. 10:00 – 13:00. Drykkur er alla daga kl. 15:00 - 16:30, einnig um helgar. Hljómflutningstæki og sjónvörp á herbergjum og setustofum mega alls ekki valda ónæði. Seta í anddyri og á göngum skal takmörkuð. Reglulegum próftíma lýkur 13. desember. Hafið samband við öryggisvakt í síma 1602 ef þið verðið fyrir ónæði. Gangi ykkur vel í prófunum og sýnum öll tillitssemi.

Ný lög um húsnæðisbætur tóku gildi í upphafi ársins. Við þessar breytingar taka húsnæðisbætur við af húsaleigubótum. Rétt er að benda á að nokkrar breytingar hafa átt sér stað við þessi nýju lög sem vert er að kynna sér. Þannig skiptir máli hvort að íbúi eða leigutaki er orðinn lögráða eða ekki. Ef viðkomandi er undir lögaldri er sótt um húsnæðisbætur til skrifstofu viðkomandi sveitarfélags þar sem íbúinn á lögheimili. Ef íbúinn er orðinn lögráða er sótt um til skristofu Vinnumálastofnunar. Allar nánari upplýsingar er að finna á www.husbot.is

Við óskum íbúum okkar gleðilegs árs og hlökkum til að sjá þau aftur. Heimavistin hefur nú verið opnuð en Menntaskólinn á Akureyri hefur starfsemi sína miðvikudaginn 4. janúar og Verkmenntaskólinn Á Akureyri föstudaginn 6. janúar.