Starfsfólk heimavistar óskar íbúum og fjölskyldum þeirra gleðilegra páska. Heimavistin verður opnuð eftir páskafrí mánudaginn 1. apríl kl. 12.

Miðvikudagskvöld, 20. mars klukkan 20:00 verður páska bingó á setustofunni. Glæsilegir vinningar í boði, t.d páskaegg, gjafabréf og margt fleira! Við hvetjum alla íbúa til þess að mæta og hlökkum til að sjá ykkur!🐰🐣🍫 Heimavistarráð 🐥

Ástráður kynfræðslufélag læknanema ætlar að halda fræðslukvöld sunnudaginn 10. mars kl. 20:00 á setustofunni á gömlu vist. Þar verður fræðsla um kynlíf, kynheilbrigði og samskipti auk þess sem þau svara nafnlausum spurningum.

Senn líður að páskafríi íbúa en síðasti kennsludagur í MA og VMA fyrir páska er föstudagurinn 22. mars. Heimavistin verður lokuð frá kl. 12 á hádegi laugardaginn 23. mars. Kennsla hefst í báðum skólum þriðjudaginn 2. apríl og verður heimavistin opnuð eftir páskafrí mánudaginn 1. apríl kl. 12.

Ársfundur Lundar 2023 verður þriðjudaginn 5. mars n.k. kl. 12 í setustofu heimavistar. Dagskrá ársfundar: 1. Ársreikningur Lundar skólaárið 2022/2023 til kynningar. 2. Skýrsla stjórnar um starfsemi Lundar skólaárið 2022/2023. 3. Önnur mál. Ársfundur Lundar er opinn þeim sem aðild eiga að Heimavist MA og VMA, s.s. íbúum Lundar, foreldrum og forráðamönnum íbúanna, kennurum og starfsmönnum framhaldsskólana á Akureyri auk þeirra starfsmanna sem starfa í húsakynnum Lundar.

Á setustofunni hafa íbúar aðgang að Viaplay, Stöð 2 og Stöð 2 Sport í sjónvarpinu.

Minnum íbúa á að láta starfsfólk heimavistar vita ef þeir eru veikir. Hægt er að hringja í innanhússíma 455-1602 eða í vaktsíma 899-1602. Starfsfólk getur litið við hjá íbúum, komið með mat, hitamæli o.þ.h. eftir því sem þörf er á.

Mjög mikilvægt er að merkja þvottinn sinn vel - og það gæti þurft að skrifa ofan í það sem merkt var fyrr í vetur svo fatnaðurinn komist í rétt hólf. Nokkuð er um að ómerktur eða illa merktur fatnaður hafi verið settur í þvott og því ekki hægt að koma til skila í þvottaskápana. Hægt er að merkja þvottinn hjá starfsmönnum í þvottahúsinu.

Heimavistarráð stendur fyrir spilakvöldi á setustofunni kl 20-22 á miðvikudaginn, 17. janúar.

Um leið og við óskum ykkur gleðilegs árs þá minnum við á að heimavistin opnar á nýju ári miðvikudaginn 3. janúar kl. 12. Hlökkum til að sjá ykkur😊