Bílastæðin við skólann og heimavist

4.5.2009

Þeir sem leggja bílum sínum ólöglega við MA og heimavist MA/VMA geta átt von á því framvegis að þurfa að greiða sektir. Bílastæðin við MA og heimavist verða undir eftirliti starfsmanna bæjarins.

Þrátt fyrir að bílastæði við skólann hafi verið stækkuð er enn mjög algengt að fólk leggi bílum sínum ólöglega, utan merktra stæða og á grasflötum. Af þessu stafa bæði óþægindi, hætta og skemmdir á umhverfinu.

Af þessum sökum hefur verið samið við Akureyrarbæ um að starfsmenn bílastæðasjóðs hafi eftirlit með bílastæðum MA og heimavistar og sekti þá sem leggja bílum sínum ólöglega. Þetta verður gert frá og með mánudeginum 11. maí næstkomandi.